[حنين الماضي]

ا




لا ليت الزمن يرجع ورا ولا اللّيالي تدور
و يرجع وقتنا الأول و ننعم في بساطتنا
زمان أول أحس أنه زمان فيه صدق شعور
نحب و ونخلص النية و تجمعنا محبتنا ..
زمان ما فيه لا غيبة و لا حتى نفاق و زور
ياليته بس لو يرجع ونسترجع طفولتنا
صغار قلوبنا بيضا نعيش بعالم محصور
ولا نعرف أبد أغراب ما غير عيال حارتنا
*****
صحيح صغار في التفكير لكن ما علينا قصور
نخطط نكسر اللعبة وتسعدنا شقاوتنا
نروح المدرسة بدري ونضحك داخل الطابور
نحاول نزعج العالم في روحتنا وجيتنا
وعشان نأخر الحصة نخبي علبة الطبشور
نشاغب بس في الأخر تُميزنا برائتنا
نحب الضحك و الهيصة نحب ننط فوق السور
نفرفش ليه ما نفرفش مدام الضحك عادتنا
*****
ولكن دارت الأيام و بان الخافي المستور
وصار الهم متعلي على قمة سعادتنا
كبرنا و صارت الدنيا تصف أحزانّا بالدور
وتهدينا الألم و الهم غصب عن عين رغبتنا
تعبنا من بلاوينا أحد ضيق وأحد مقهور
وكلٍ غارق بهمه و في الأخر تشتتنا
وأنا ما أقول غير إلا يا ليت من الزمان يدور
ويرجع للورا فترة نعدل وضع عيشتنا
*****
ألا ليت الزمن يرجع ورا ولا اللّيالي تدور
و يرجع وقتنا الأول و ننعم في بساطتنا

[شواهيق]

حنين يسعدك ربي ع جمال السطور واسردها لنا
لك فوواح الورد